قصه كارما والمكرونه للاطفال

قصه كارما والمكرونه

كان في بنوته اسمها كارما طلبت من مامتها تعملها مكرونه...ولكن مامتها سألتها هتاكليها يا حببتي ردت كارما بسرعه وقالت اه هأكلها يا ماما .وفعلا مامتها راحت بسرعه عملتلها مكرونه.وادتهالها ولكن كارما قالتلها مش عاوزه انا كنت بهرج وبكدب عليكي . 

زعلت مامتها وراحت للعصايه قالتلها يا عصايا تعالي اضربي كارما عشان مش راضيه تاكل المكرونه،قالتلها وانا مالي يا اختي.راحت للنار قالتلها يا نار تعالي أحرقي العصايا عشان مش راضيه تضرب كارما وكارما مش راضيه تاكل المكرونه،قالتلها وانا مالي يا ختي.راحت للميه قالتلها يا ميه تعالي طفي النار عشان النار مش راضيه تحرق العصايا والعصايه مش راضيه تضرب كارما وكارما مش راضيه تأكل المكرونه، قالتلها وانا مالي يا أختي .



راحت للبقره قالتلها يابقره تعالي اشربي الميه عشان مش راضيه تشرب الميه والميه مش راضيه تطفي النار والنار مش راضيه تحرق العصايه والعصايه مش راضيه تضرب كارما وكارما مش راضيه تأكل المكرونه،قالتلها وانا مالي يا أختي.راحت للجزار قالتله تعالي ادبح البقره  عشان مش راضيه تشرب الميه والميه مش راضيه تطفي النار والنار مش راضيه تحرق العصايه والعصايه مش راضيه تضرب كارما وكارما مش راضيه تأكل المكرونه قالها ماشي يلا بينا.

البقره قالت لا لا لا انا هشرب الميه،الميه قالت لا لا لا انا هطفي النار ،النار قالت لا لا لا انا هحرق العصايه ،العصايه قالت لا لا لا انا هضرب كارما وراحت كارما قالت خلاص خلاص انا هأكل المكرونه....








الكلمات الدلاليه: (قصص كوميديه- قصص اطفال - قصص  قبل النوم - قصص اطفال جديدة - قصث اطفال جميلة - قصص اطفال قصيرة - قصص اطفال بالصور - قصص اطفال بالصور )