قصه شجره التفاح السحريه للاطفال

قصه شجره التفاح

 كان يا ما كان وما يحلا الكلام الا بالصلاه علي رسول الله صلي الله عليه وسلم.كان في ممكله فيها ملك عاوز يزوج بنته الاميره الي رجل نبيل فطلب مهر الاميره 3 تفاحات ذهب.

وكان في رجل طيب عنده ثلاث اولاد وشجره تفاح بتطلع تفاح ذهب .الولد الاول كان مغرور والتاني كان شايف نفسه احسن من كل الناس اما الثالث بقي فكان ولد مؤدب جدا وطيب ومتواضع وبيحب ابوه جدا.ولما الاولاد سمعو عن طلب الملك..

الولد الاول بسرعه جري وقطف من الشجره تلات تفاحات ذهب منغير ما يقول لباباه وراح جري في طريقه للقصر.

وهو في طريقه شاف ست عجوزه اعده في الطريق وكان راكب حصانه ومش عارف يعدي منها فقالتله ممكن يا ابني تجبلي ميه من البير اللي هناك لان مش قادره اجيب .الولد قالها ابعدي عن طريقي طبعا لا وسألته الست العجوزه: الشنطه اللي في ايدك فيها ايه رد بغضب 

وقالها  :طوب زلط انت مالك وجري بحصانه ومن سرعته عمل غمامه من التراب جت عالست العجوزه راحت العجوزه قالت ربنا يجعله طوب وزلط.

ولما وصل الولد للقصر وطلب يقابل الملك عشان يطلب ايد الاميره والملك سأله عن مهر الاميره فرد وقاله: طبعا في الشنطه يا مولاي.

بيفتح الشنطه لاقي طوب وزلط .امر الملك بحبس الولد لسخريته من الملك وبنته.

وفي نفس الوقت كان اخوه التاني كمان قطف تلات تفاحات وراح يتقدم للاميره منغير ما يقول لباباه.وراح في طريقه قابل نفس الست العجوزه ولما طلبت منه الميه قالها بقي انا انزل اجبلك ميه ونظرلها بغضب شديد ولما سألته عن الشنطه قالها فيها طوب وزلط وردت عليه نفس الرد ربنا يجعله طوب وزلط وحصله زي اخوه بالضبط واتحبس في القصر.

اما بقي الابن الثالث فكان يعرف الاميره من زمان وكان نفسه يتجوزها وراح لابوه واستأذنه انه يأخد تلات تفاحات ذهب من الشجره السحريه. باباه وافق علي طول وركب الولد حصانه وراح للقصر وفي طريقه قابل الست العجوزه وطلبت منه شربه ميه نزل من عالحصان وفعلا جبلها ميه وكان بيضحك وفرحان جدا.الست دعتله ولما سألته علي الشنطه رد وقالها فيهم مهر الاميره دعت ان يبقي فيها حاجات حلوه كتير وفعلا لما وصل الولد للقصر وفتح الشنطه لقي التفاح الذهب ولقي اللماس وذهب ..الملك فرح بيه جدا ووافق عالفور يجوزه بنته الاميره.

وطلب الابن الثالث من الملك يخرج اخواته من حبسهم.واتجوز من الاميره وعاشو في تبات ونبات وجابو صبيان وبنات وتوته توته خلصت الحدوته.





الكلمات الدلاليه: ( قصص خياليه -قصص اطفال - قصص  قبل النوم - قصص اطفال جديدة - قصث اطفال جميلة - قصص اطفال قصيرة - قصص اطفال بالصور - قصص اطفال بالصور )