قصه العصفور المغرور للاطفال

 قصه العصفور المغرور

كان يا ما كان يا ساده يا كرام ما يحلا الكلام الا بالصلاه علي رسول الله صلي الله عليه وسلم.تبدأ قصتنا بعصفور جميل اوي اوي ريشه ملون بكل الالوان الاحمر والاصفر والاخضر والازرق وكان مميز جدا وسط اخواته واصحابه كلهم.وكل العصافير كانت بتحب شكله وتنبهر بجماله وحلاوته وهو كمان كان معجب بنفسه جدا لدرجه الغرور والتعالي علي الاقارب والاصحاب .ومكنش بيرضي يلعب معاهم ويقولهم شكلكم وحش انا احلي منكم انتم هتخلولي ريشي فيه تراب ابعدو عني انا ريشي حلو نضيف وبيلمع وملون.وكانو لصحابه بيضايقو من طريقه كلامه.وكمان اخواته مكنش بيرضي يساعدهم ابدا في اي حاجه.وفي يوم من الايام كان العصفور المغرور بيطير وبص لاقي بلكونه بيت جميله وفيها ورود ولقي حته لانشون وقعه في ارض البلكونه وشكلها حلو اوي.جري عليها بسرعه منغير ما يفكر عشان يأكلها ولكن كان فخ صاحب البيت عامله للفأر وحاطط جنب قطعه اللانشون لصق فيران.


اعد يصوصو بصوت عالي وكل ما يحاول يبعد ريشه يلصق اكتر في بعضه.لحد ما اخواته واصحابه العصافير سمعو العصفور المغرور وجريو عليه عشان يساعدو. وفعلا فضلو يصوصو جامد جدا لحد ما صاحب البيت طلع للبلكونه وشاف العصفور وحاول يساعده ولكن شاله كل ريشه وغسله بالميه كويس ونشفه.والعصفور كان زعلان ومكسوف لان شكله بقي وحش.لكن اصحابه واخواته قالوله احنا بنحبك يا عصفور مش بنحب شكلك وهنلعب معاك حتي لما جمالك راح وبكره ريشك الجميل يطلع تاني احلي من الاول.وفعلا العصفور مبقاش مغرور واتعلم يساعد اصحابه وخواته وكان علي طول يهتم بريشه ونظافته وكل العصافير حبته اكتر واكتر .




الكلمات الدلاليه: ( قصص اطفال - قصص  قبل النوم - قصص اطفال جديدة - قصث اطفال جميلة - قصص اطفال قصيرة - قصص اطفال بالصور - قصص اطفال بالصور )